علق أحمد سيد زيزو لاعب النادي الأهلي، على الهجوم الذي تعرض له بعد رحيله عن صفوف الزمالك في صفقة انتقال حر، بعد انتهاء عقده مع نادي الزمالك.

ونشر زيزو عبر حسابه الشخصي على موقع الصور الشهير انستجرام: “السؤال الوحيد والأوحد اللي مش عايز يطلع من دماغي ونفسي الاقي لي إجابة، هو بجد لما حد يخوض في عرض الناس ويقعد يشتم فيهم ويسب ويتنمر، دا بيعود ولا بيرجع عليه بإيه”.

وتابع زيزو: “هل بيروح البيت بيلاقي بيته متغير، طيب بيبص تحت بيته بيلاقي العربية اللي نفسه يجيبها، طيب ولاده وصلوا للمكان اللي بيتمناها، طيب عيش أبوه وأمه في حاجة يستحقوها، مش قادر يستوعب فعلا الموضوع، بلاش أنت، هل اللي بتخوض في عرضه ده وبتشتمه وتنمرت عليه بيصحى بعد شتيمتك دي مش شغال نفس الشغلانة، معندوش نفس البيت؟ طب والعربية؟”.

وأنهى أحمد سيد زيزو تعليقه: “فكر كويس عشان والله ما فيه حاجة مستاهلة، اعرف إن رزقك كده ربنا كاتبه لك، وأنت بتختار الطريقة اللي بيجيلك بيها الرزق، فخليها دايما طريقك كويسة وأفتكر دايما إنها مش دايمة، صباحكم جميل”.

نسخ الرابط تم نسخ الرابط